Итоги недели

З  23  па  27 верасня ў  групе   інтэграванага  выхавання  і  навучання  прайшоў тэматычны   тыдзень  пад  назвай  “Восень. Праца  ў  сельскай  гаспадарцы” .Дзеці малодшага дашкольнага ўзросту на гэтым тыдне размаўлялі пра садавіну і агародніну.

     Дзеці   пашырылі  свае  веды  аб  сельскай  гаспадарцы  і  яе  працаўніках. На  занятку  па  развіццю  маўлення  выхаванцы  даведаліся  аб  сельскагаспадарчых  прафесіях ( хлебароб, шафёр, трактарыст, аграном, слесар, жыватнавод  і  інш.); вучыліся  выкарыстоўваць  у  мове  розныя  тыпы  сказаў ( простыя, складаныя ); адгадвалі  загадкі  аб  сельскагаспадарчых  прафесіях  з  размяшчэннем  на  дошцы  карцінак-адгадак.  У  час правядзення  доследу  з  раслінамі  выявілі  неабходнасць іх  у  вільгаці ( параўноўвалі  расліны  палітыя  і  даўно  не  паліваныя ). Паўтарылі  заклічку  “Дожджык, дожджык  палівай…” Вучыліся  выкарыстоўваць  простыя  і  складаныя  сказы  падчас  разважання  і  расказваня  па  тэме  “Прафесіі  на  сяле, іх  карысць”.  З  мэтай  замацавання  ведаў  пра  поры  года   гулялі  ў  дыдактычныя  гульні “Калі  гэта  бывае?”,”Якая  пара  года?” дзе  вучыліся  дыферэнцаваць  поры  года  па  характэрных  прыкметах.  На   прыкладзе  прапанаваных  дзецям  карцінак  у дыдактычнай   гульне “Каму  што  трэба?”  вучыліся  вызначаць, для  чаго  гэта  прылада  працы ( прадавец – хлеб, пекар – мука, трактарыст – трактар  і  г. д.). З  цікавасцю  выхаванцы  слухалі  творы  беларускіх  паэтаў: “Акраец  хлеба” І. Муравейкі, “Верасень” К. Каліны. ; беларускую  народную  казку  “Лёгкі  хлеб”. Вучыліся  выкарыстоўваць інтанацыйныя  сродкі  пры  расказванні  вершаў  на  беларускай  мове ( “Ладачкі – ладкі”, “Яблык”,”На  гародзе  ў  бабулі”).